Ғалабага 80 йил: Бауиржан Момишулининг улкан портрети Рекордлар китобига кирди
ASTANA. Kazinform – “Астана Арена” стадионида Бауиржан Момишулининг 2 736 квадрат метр майдондаги улкан портрети яратилиб, “Дунёдаги энг катта портрет” сифатида Жаҳон рекордлар китобига кирди.
Ушбу тадбир Ғалабанинг 80 йиллиги ва Совет Иттифоқи Қаҳрамони Бауиржан Момишули таваллудининг 115 йиллигини нишонлаш мақсадида ташкил этилди.
Унда Астана шаҳридан ижодий жамоалар, педагоглар ва ўқувчилар иштирок этиб, баландлиги 70 метр, кенглиги 32 метр бўлган фотомозаика форматдаги портрет яратдилар. Ҳар бир пикселнинг ўлчами 1 квадрат метр эди.
Лойиҳани ташкил этган пойтахт Маданият бошқармаси маълумотларига кўра, бу жаҳон рекордини қайд этиш тарихидаги энг катта портретдир. Уни тайёрлаш учун 700 килограмм оқ бўёқ ва 320 килограмм қора бўёқ керак бўлди.
Тадбирга Хитой ва Ҳиндистондан вакиллар махсус таклиф этилди. Рекорд ўрнатилгач, ташкилотчиларга сертификат ва медаллар топширилди.
