Францияда коронавируснинг ПЗР тест аниқлай олмайдиган янги штамми топилди

BRÚSSEL. Kazinform – Коронавирус инфекциясининг янги штамми Францияни хавотирга солмоқда, чунки мавжуд ПЗР тестлари ушбу мутацияни аниқлай олмайди, деб хабар беради Kazinform мухбири.

Франция Соғлиқни сақлаш вазирлиги вакилларининг айтишича, Франциянинг Бретан минтақасидаги Ланьон коммунасида касалхонада COVID-19нинг янги штамми топилган. Француз мутахассислари ПЗР тестлари ушбу вирус мутациясини ҳали аниқламаганлигини қўшимча қилди.

Франциядаги Пастер институтининг вирусологлари генетик ўзгаришлар янги штаммни аниқлашни қийинлаштирганлигини ўрганмоқдалар. Шу билан бирга, шифокорлар янги штаммларнинг пайдо бўлиши табиий жараён эканлигини таъкидладилар, чунки вируслар омон қолиш учун вақт ўтиши билан ривожланиб боради.

Ҳозирда фақат 3та COVID-19 варианти хавфли деб ҳисобланади: «британ», «жанубий африка» ва «бразилия» вариантлари.

Бельгиялик вирусолог Стивен Ван Гухтнинг таъкидлашича, Францияда коронавируснинг одатий аломатларини кўрсатадиган, аммо ПЗР тестлари манфий натижа кўрсатадиган 8 дан 10 гача бўлган ҳолатлар аниқланган.

Муаллиф:Арнур Рахимбеков