EURO 2024: Июлнинг биринчи кунида 1/8 финалда яна иккита ўйин бўлиб ўтади

ASTANA. Kazinform – Бугун, 1 июль куни футбол бўйича 2024 йилги Европа чемпионати 1/8 финал босқичи доирасида яна иккита ўйин бўлиб ўтади.

Шу куни соат 21.00 дa Франция ва Бельгия беллашади.

Учрашув Дюссельдорфдаги «Меркур Шпиль-Арена» стадионида бўлиб ўтади.

D гуруҳида Франция Австрияни 1:0 ҳисобида мағлуб этди, Польша (1:1) ва Нидерландия билан (0:0) дуранг ўйнади.

Бельгия “Е” гуруҳида Руминияни 2:0 ҳисобида мағлуб этди, Словакияга 0:1 ҳисобида имкониятни бой берди ва Украина билан 0:0 ҳисобидаги дуранг билан кифояланди.

Ҳозиргача жамоалар 79 марта тўқнаш келишган, Бельгия 31 марта, Франция 28 марта ғалаба қозонган, 20 марта дуранг қайд этилган.

Соат 00:00 да эса Португалия - Словения учрашуви бошланади.

Ўйин Франкфуртдаги «Дойче Банк Парк» стадионида бўлиб ўтади.

“F” гуруҳида иштирок этаётган Португалия терма жамоаси Чехияни 2:1, Туркияни 3:0 ҳисобида мағлуб этиб, Грузияга 0:2 ҳисобида имкониятни бой берди.

“С” гуруҳида ўйнаган Словения терма жамоаси Дания ва Сербия билан 1:1, Англия билан 0:0 ҳисобида дуранг ўйнади.

Икки рақиб бир марта тўқнаш келган бўлса, бу сафар Словения ғалаба қозонди.

Эслатиб ўтамиз, бунгача Испания, Англия, Германия ва Швейцария терма жамоалари ¼ финалга йўлланма олганди.

2 июль куни 1/8 финалда Руминия ва Нидерландия, Австрия ва Туркия терма жамоалари куч синашади.