Эртага Гвинея-Бисау Президенти Умару Сисоку Эмбало расмий ташриф билан Қозоғистонга келади

ASTANA. Kazinform – Гвинея-Бисау Президенти Умару Сисоку Эмбало ҚР Президенти Қасим-Жомарт Тоқаевнинг таклифига биноан 18 декабрь куни расмий ташриф билан Астанага келади.

“Олий даражадаги музокаралар чоғида Қозоғистон ва Гвинея-Бисау ўртасидаги сиёсий, савдо-иқтисодий ва маданий-гуманитар соҳалардаги ҳамкорлик истиқболлари муҳокама қилинади”, – деб ёзади Ақорда расмий сайти.

Эслатиб ўтамиз, аввалроқ бир қатор давлатлар раҳбарлари Қозоғистон Президентини Мустақиллик куни билан табриклаган эди.