Эрон, Россия ва Хитой Эроннинг ядровий дастури юзасидан музокара ўтказди
TEHRАN. Kazinform – 22 июль куни Эрон, Россия ва Хитой вакиллари ўртасида уч томонлама учрашув бўлиб ўтди. Унда асосий эътибор Эрон ядровий дастури атрофидаги инқирозни бартараф этиш масаласига қаратилди. Бу ҳақда ТАСС агентлиги хабар берди.
Tasnim агентлиги маълумотига кўра, томонлар ядровий дастур билан боғлиқ инқирозни ҳал этиш бўйича маслаҳатлашув ва ҳаракатларни мувофиқлаштиришни давом эттиришга келишиб олган. Учрашувлар «яқин ҳафталарда турли даражаларда» давом эттирилиши белгиланган.
Шунингдек, агентлик хабар беришича, Россия ва Хитой делегациялари раҳбарлари Эронга ташрифи чоғида Эрон ташқи ишлар вазирининг сиёсий масалалар бўйича ўринбосари Мажид Таҳт-Раванчи ҳамда бир қатор бошқа эронлик дипломатлар билан алоҳида учрашувлар ўтказган.
