Эрон Исроил томонидан инсон ҳуқуқларини қўпол равишда бузганлиги ҳақидаги далилларни Халқаро судга юборади

ASTANA. Kazinform – Эрон ҳукумати Эрон-Исроил можароси чоғида Исроил томонидан инсон ҳуқуқлари қўпол равишда бузилгани тўғрисидаги далилларни Халқаро жиноий судга юборади. Бу ҳақда Эрон Қизил Ярим Ой жамияти раҳбари ўринбосари Розие Алишавандий маълум қилди, деб ёзади ТАСС.

“Ташкилотимиз инсон ҳуқуқларининг қўпол равишда бузилганлиги тўғрисида далилларни ХЖCга юборади ва биз бошқа халқаро тузилмалар билан [бу масала бўйича] ҳамкорлик қиламиз”, – дея унинг сўзларидан иқтибос келтиради IRNA агентлиги.

Эрон Қизил Ярим Ой Жамияти маълумотларига кўра, Эрон ва Исроил ўртасида 12 кун давом этган қуролли тўқнашувда 10 та тез ёрдам машинаси ва 8 та тиббиёт муассасасига ҳужум уюштирилган, 102 аёл ва 38 бола ҳалок бўлган.