Эрон-Исроил кескинлиги: яна ракета ҳужуми амалга оширилди
ASTANA. Kazinform – Эрон душанбага қараган кечаси Исроил ҳудудига яна ракета отди, деб хабар беради ВВС.
Исроилнинг тез ёрдам хизмати Magen David Adom ҳозирга қадар бир неча енгил тан жароҳати олган шахслар ҳақида маълумот олганини маълум қилди. Jerusalem Post газетаси эса 35 киши яралангани, улар орасида оғир жароҳат олган 10 ёшли бола ҳам борлигини ёзмоқда.
Исроилнинг Ёнғин ўчириш ва қутқарув хизмати мамлакатнинг марказий қисмида бир неча ёнғин чиққанини билдирган.
Маҳаллий матбуот хабарларига кўра, портлашлар овози Исроилнинг марказий ҳудудларидаги бир неча туманда эшитилган.
Эроннинг давлат оммавий ахборот воситалари зарба Ҳайфа шаҳрида бўлганини айтмоқда. Исроил томони ҳам Хайфада портлаш бўлганини тасдиқлади, бироқ унинг оқибатлари тўғрисида аниқ маълумот ҳали мавжуд эмас.
Ҳозирги вақтда Исроилда ҳаво ҳужумига қарши сигнал тўхтатилган.
