Ерлан Карин давлат органларига миллатлараро тотувликни мустаҳкамлаш бўйича топшириқ берди
ASTANA. Kazinform - Давлат маслаҳатчиси миллатлараро тотувликни мустаҳкамлаш масалаларига бағишланган республика йиғилиши ўтказди. Бу ҳақда Ақорда матбуот хизмати хабар берди.
Йиғилишда Президент Администрациясининг таркибий бўлинмалари раҳбарлари, марказий давлат органлари вакиллари, шунингдек, Туркистон вилояти ҳокими иштирок этди.
Йиғилишда миллатлараро барқарорликни таъминлаш борасидаги долзарб вазифалар ва 2025 йилга мўлжалланган режа тақдим этилиб, аҳоли ўртасида ахборот-тушунтириш ишлари олиб борилаётганлиги ҳақида маълумот берилди.
Шу билан бирга, йиғилиш иштирокчилари миллий ҳамкорликни ривожлантириш бўйича келгусида амалга оширилиши лозим бўлган чора-тадбирларга эътибор қаратдилар.
Ерлан Карин давлат органлари томонидан бу борада тизимли ва кенг қамровли ишлар олиб борилаётганини таъкидлади. Шунингдек, у бу ишга доимий равишда янгича ёндашувларни жорий этиш зарурлигига эътибор қаратди.
Йиғилиш якунида Давлат маслаҳатчиси миллатлараро тотувлик ва бирдамликни таъминлаш билан боғлиқ ички сиёсатнинг устувор йўналишлари бўйича мутасадди давлат органларига аниқ топшириқлар берди.
