ЕХҲТ кузатувчилари Тожикистондаги парламент сайловларини кузатмайди

DUSHANBE. Kazinform – Европадаги Хавфсизлик ва Ҳамкорлик Ташкилоти (ЕХҲТ) Тожикистондаги парламент сайловларини кузатиш миссиясини тўхтатишга мажбур бўлди.

“Сайловга бир ойдан камроқ вақт қолди. Шу билан бирга, кузатувчиларимиз учун расмий кафолатларнинг йўқлиги мониторинг миссиясини янада мураккаблаштирди”, – деди ЕХҲТ Демократик институтлар ва инсон ҳуқуқлари бўйича бюроси.

Эслатиб ўтамиз, Тожикистон парламенти қуйи палатасига депутатлар сайлови 2 мартга, юқори палатадаги сиёсий беллашув эса 28 мартга белгиланган.

“Сайловни кузатиш миссияси 22 январ куни очилган бўлса-да, Душанбедаги экспертлар гуруҳи ҳали иш бошламаган. Кузатувчиларни рўйхатга олиш жараёнининг узоқ давом этиши мониторинг жараёнини ташкил этишга сезиларли таъсир кўрсатди”, – дейилади баёнотда.