Димаш Головкиннинг махсус таклифига биноан АҚШга боради ва Қозоғистон мадҳиясини куйлайди
«Мамлакатимизнинг энг яхши спортчиси Геннадий Головкиннинг махсус таклифига биноан 17 сентябр куни Лас-Вегас шаҳрида бўлиб ўтадиган GGG - Canelo 3 жанги олдидан, Димаш Қудайберген Давлат мадҳиясини ижро этиб, қўллаб-қувватлашни режалаштирмоқда», - деб ёзилган dimash.news сайтида.
Эслатиб ўтамиз, 18 сентябр куни Лас-Вегасда (АҚШ, Невада) IBF ва WBA йўналишлари бўйича жаҳон чемпиони Геннадий Головкин ва мексикалик Саул «Канело» Альварес ўртасидаги учинчи жанг бўлиб ўтади.
Бокс оламида йилнинг асосий жанги деб топилган трилогия «Qazaqstan» ва «Qazsport» каналларида жонли эфирда намойиш этилади.
Жанг 18 сентябр куни Нур-Султан вақти билан эрталаб соат 05:00да бошланади.
Ушбу баҳсда боксчилар иккинчи ўрта вазн тоифасида мутлақ жаҳон чемпиони унвони учун кураш олиб боради.
Фото: instagram.com/dimash.news
