Давлат раҳбари Швейцария Миллий банки бошқарувчилар кенгаши раисини қабул қилди
ASTANА. Кazinform — Учрашувда Қозоғистон ва Швейцария Миллий банки ўртасидаги ҳамкорликни янада ривожлантириш масалалари муҳокама қилинди. Бу ҳақда Ақорда матбуот хизмати хабар берди.
Қасим-Жомарт Тоқаев швейцариялик мутахассислар меҳнатини юқори баҳолаб, улар Қозоғистон Миллий банкига рискларни бошқариш ва тўлов тизимлари каби соҳаларда техник ёрдам кўрсатаётганини таъкидлади.
Ўз навбатида Мартин Шлегель Қозоғистон ва Швейцария миллий банклари ўртасида пул-кредит сиёсати ва рақамли молиялаштириш соҳаларида мулоқот ўрнатиш ва ўзаро ҳамкорлик кўламини кенгайтириш ниятини билдирди.
Суҳбатда валюта бозорини мустаҳкамлаш, миллий валюталарга ишончни ошириш чора-тадбирлари, рақамли активларни ривожлантириш масалалари ҳам муҳокама қилинди.
Эслатиб ўтамиз, аввалроқ Қасим-Жомарт Тоқаев Дональд Трамп мактубига жавоб йўллагани ҳақида хабар берган эдик.
