Давлат раҳбари Хитой Халқ Республикасининг Қозоғистондаги элчиси Чжан Сяони қабул қилди
ASTANA. Kazinform - Суҳбат чоғида Президент Қозоғистон ва Хитойни кўп асрлик мустаҳкам дўстлик ва яхши қўшничилик муносабатлари боғлаб туришини таъкидлади. Қасим-Жомарт Тоқаевнинг таъкидлашича, ҳар икки томон ўзаро ишонч ва ҳурматга асосланган самарали ҳамкорликни мустаҳкамлашга ҳисса қўшмоқда.
Давлат раҳбари бугунги кунда Қозоғистон ва Хитой ўртасидаги ҳамкорлик жадал ва серқирра тус олганини таъкидлади. Икки давлат ўртасида фаол сиёсий мулоқот йўлга қўйилди, савдо-иқтисодий ҳамкорлик ривожланди, маданий алоқалар жонланди, таълим дастурлари ва илмий лойиҳалар сони кўпайди. Хавфсизлик соҳасида, айниқса, “уч ёвуз куч”га қарши курашда яқин ҳамкорлик йўлга қўйилган. Бундан ташқари, мамлакатларнинг БМТ, ШҲТ, КХШТ доирасидаги, шунингдек, “Марказий Осиё – Хитой” форматидаги халқаро алоқалари фаол ривожланмоқда. Президентнинг фикрича, Қозоғистон ва Хитой яхши қўшничилик муносабатларининг ҳақиқий намунасини кўрсатмоқда.
Ўз навбатида, Хитой элчиси Чжан Сяо Қасим-Жомарт Тоқаевга миннатдорчилик билдириб, Пекин ҳар томонлама стратегик шерикликни янада ривожлантиришга содиқлигини тасдиқлади.
Давлат раҳбари Чжан Сяонинг Қозоғистон-Хитой дўстлигини муваффақиятли ривожлантириш ва давлатлараро муносабатларни чуқурлаштиришга қўшган ҳиссасини юқори баҳолади ва уни 2-даражали “Достық” ордени билан тақдирлади.
