Ақтўбеда мультимодал хабни ривожлантириш учун 1,2 триллион тенгедан ортиқ сармоя жалб этилади
AQTÖBE. Кazinform - Ақтўбе вилояти ҳокими Асхат Шахаров Президентга вилоятни ижтимоий-иқтисодий ривожлантириш тўғрисида ахборот берди.
Вилоят раҳбарининг таъкидлашича, жорий йилнинг 11 ойида вилоят иқтисодиётининг ўсиши 6 фоизни ташкил этди. Саноат ишлаб чиқариши эса 4 фоизга ўсди, жорий йилнинг олти ойида тўғридан-тўғри хорижий инвестициялар ҳажми 175 миллион долларга етди.
Президентга Ақтўбе аэропортини мультимодал марказ сифатида ривожлантириш учун бу ерда махсус иқтисодий зона ташкил этилиши маълум қилинди. Мазкур лойиҳага 1,2 триллион тенгедан ортиқ сармоя киритиш, 5 минг иш ўрни яратиш режалаштирилган.
Вилоят ҳокими Давлат раҳбарига вилоятда амалга оширилаётган ва 2025-2027 йилларга мўлжалланган инвестисия лойиҳалари ҳақида сўзлаб берди.
Бундан ташқари, Қасим-Жомарт Тоқаевга Ақтўбе шаҳрида қуриладиган янги қурилиш объектлари макети тақдим этилди. Президент топшириғига кўра, шаҳарда 700 ўринли драма театри ва 35 минг томошабинга мўлжалланган кўп функцияли стадион қурилади.
Бунгача Президент Ақтўбе шаҳридаги пўлат қувурлар ишлаб чиқарувчи завод фаолияти билан танишгани ҳақида ёзган эдик.
