Чимкентда сайёҳлар учун янги тизим ишга туширилади

ŞYMKENT. Kazinform – Шаҳарнинг диққатга сазовор жойларини битта чипта билан кўриш имконияти пайдо бўлади, деб хабар беради Каzinform мухбири.

Чимкентда инновацион CityPass тизими ишга туширилади. Янги туристик маҳсулот карта эгаларига диққатга сазовор жойларларга – қадимий тарихий обидалардан тортиб, замонавий кўнгилочар марказларгача арзонлаштирилган нархларда ташриф буюриш имконини беради.

— Биз ўз олдимизга Чимкент шаҳрининг туризм инфратузилмасини сифат жиҳатидан янги босқичга кўтариш вазифасини қўйганмиз. Янги тизим сайёҳлар оқимини оширади ва шаҳар меҳмонларига хизмат кўрсатишни яхшилайди. Лойиҳанинг ишга туширилиши келгуси мавсумга мўлжалланган ва ҳозирда у туроператорлар ва мустақил саёҳатчиларда катта қизиқиш уйғотмоқда, — дея хабар қилди ҳокимлик.

Картани онлайн ёки ихтисослаштирилган савдо нуқталари тармоғи орқали сотиб олиш мумкин.

Эслатиб ўтамиз, Қозоғистонда туризмга йўналтирилган инвестициялар 20,3 фоизга ошди.