Чемпионлар лигаси: Мбаппенинг учта голи "Реал Мадрид"га ғалаба келтирди

ASTANА. Кazinform — UEFА Чемпионлар лигасининг чорак финалига йўл олган барча жамоалар номи маълум бўлди.

Сўнгги тўртта ўринни “Реал Мадрид” (Испания), “Боруссия Дортмунд” (Германия), “ПСЖ” (Франция), ПСВ (Нидерландия) клублари қўлга киритди.

Испаниянинг “Реал Мадрид” жамоаси плей-офф босқичида Англиянинг “Манчестер Сити” жамоаси билан тўқнаш келди. Биринчи учрашувда Карло Анчелотти шогирдлари Англия терма жамоасини 3:2 ҳисобида мағлуб этишди.

Учрашув давомида “Реал”дан Килиан Мбаппе 4, 33 ва 61-дақиқаларда хет-трик қайд этиб, мусобақанинг навбатдаги босқичига йўлланмани қўлга киритди. “Манчестер Сити” футболчиси Нико Гонсалес 90-дақиқада гол билан жавоб қайтарди.

Шу тариқа Испания клуби рақиби устидан 3:1 ҳисобида зафар қучди.

Шунингдек, Франциянинг “Пари Сен-Жермен” клуби ўша мамлакатнинг “Брест” клубини 7:0 (биринчи ўйин 3:0), Нидерландиянинг ПСВ клуби Италиянинг “Ювентус” клубини 3:1 (биринчи ўйин 1:2) ҳисобида мағлуб этди, Германиянинг “Боруссия” клуби Португалиянинг “Спортинг” клуби билан 0:0 ҳисобида дуранг ўйнади (биринчи ўйин 3:0).

Эслатиб ўтамиз, плей-офф босқичининг биринчи ўйинида “Фейеноорд” (Нидерландия), “Бавария” (Германия), “Бенфика” (Португалия), “Брюгге” (Бельгия) жамоалари чорак финалга йўл олишди.

Энди уларга асосий босқичда кучли саккизликдан жой олган ва 1/8 босқичига йўлланмани қўлга киритган “Ливерпуль” (Англия), “Барселона” (Испания), “Арсенал” (Англия), “Интер” (Италия), “Атлетико” (Испания), “Байер” (Германия), “Лилль” (Франция) ва “Астон Вилла” (Англия) клублари қўшилади.

Эслатиб ўтамиз, аввалроқ «Милан» клуби мусобақани тарк этгани ҳақида хабар берган эдик.