Чанғи пойгаси: Қозоғистонлик спортчилар Осиё ўйинларининг кумуш медали соҳибига айланди

ASTANA. Kazinform – Бугун IX қишки Осиё ўйинларида аёллар ўртасида жамоавий эстафета баҳслари бўлиб ўтди.

Ушбу эстафетада (4×5 км) Қозоғистон терма жамоаси аъзолари Хитойдан кейин иккинчи бўлиб маррага келди. Кучли учликни япон чанғичилари якунлади.

Совринли ўринлар учун 6 мамлакат терма жамоаси кураш олиб борди. Энди Астана вақти билан соат 10:00да эркаклар (4×7,5 км) эстафета баҳслари бошланади.

Эслатиб ўтамиз, бу Қозоғистон учун чанғи спортидан Харбин-2025 мусобақасидаги 3-совриндир. Бунгача шахсий баҳсларда Константин Борцов кумуш, Олжас Климин эса бронза медалини қўлга киритган эди.

Бунгача Қозоғистоннинг биатлон бўйича эркаклар терма жамоаси спортчилари Хитойда бўлиб ўтаётган IХ қишки Осиё ўйинларида биттадан олтин ва кумуш медални қўлга киритгани ҳақида ёзган эдик.