Буюк Ғалаба маъносини атайлаб бузиб кўрсатишга йўл қўйиб бўлмайди – Қасим-Жомарт Тоқаев

ASTANA. Kazinform – Қозоғистон учун энг муҳим мақсад миллий манфаатларни ҳимоя қилишдир. Бу ҳақда Давлат раҳбари Қасим-Жомарт Тоқаев Астанада бўлиб ўтаётган Улуғ Ватан урушидаги Ғалабанинг 80 йиллигига бағишланган ҳарбий парадда айтиб ўтди.

“Мамлакатимиз бўйлаб минглаб муҳим, кенг кўламли тадбирлар ўтказилаётгани билан Ғалабанинг 80 йиллигини нишонлашга асосий эътибор қаратдик. 500 га яқин кўчага Қозоғистон қаҳрамонлари номи берилади. Мамлакатимизда Қозоғистон фронти аскарларига бағишланган “Қаҳрамонларга ҳурмат” деб номланган парад бўлиб ўтади. Инсоният тарихидаги энг шафқатсиз уруш қатнашчиларининг авлодлари кўчаларда боболарининг суратларини кўтариб юришади. Жаҳон сиёсатига босқинчилик ва шафқатсизлик балоси кириб келган бир пайтда уруш даҳшатларини мамлакатимизнинг барча фуқароларига тушунтириш, айниқса, муҳим аҳамият касб этади”, – деди Давлат раҳбари.

Қасим-Жомарт Тоқаев ҳақиқатни тан олмасдан туриб, тинчликнинг қадрига етиб бўлмаслигини таъкидлади.

“Урушнинг тарихий ҳақиқати ва Буюк Ғалабанинг маъносини атайлаб бузиб кўрсатишга йўл қўйиб бўлмайди. Бугунги нотинч даврда Қозоғистон учун энг муҳим мақсад миллий манфаатларни ҳимоя қилишдир. Ташқи сиёсатимиз ана шу мақсадни таъминлаш учун олиб борилмоқда”, – деди Президент.

Астанада ҳарбий парад бошлангани ҳақида ёзган эдик.