Бугун жаҳон чемпионати саралаш босқичига қуръа ташлаш маросими бўлиб ўтади

ASTANA. Kazinform – Бугун, 13 декабрь куни Швейцариянинг Цюрих шаҳрида 2026 йилги жаҳон чемпионатининг Европа қитъаси бўйича саралаш босқичига қуръа ташлаш маросими бўлиб ўтади.

Қуръа ташлаш маросими Қозоғистон вақти билан 16:00 га белгиланган.

Қозоғистон эса тўртинчи саватчага кирди. Ушбу саватчадан Қозоғистондан ташқари Болгария, Литва, Латвия, Люксембург, Кипр, Эстония, Озарбайжон, Косово, Арманистон, Беларусь ва Фарер ороллари ҳам бор.

Биринчи саватга Франция, Испания, Англия, Португалия, Голландия, Бельгия, Италия, Германия, Хорватия, Швейцария, Дания, Австрия, иккинчи саватга эса: Туркия, Уэльс, Швеция, Польша, Венгрия, Украина, Сербия, Греция, Руминия, Норвегия, Словакия, Чехия.

Шунингдек, Шотландия, Словения, Ирландия, Албания, Шимолий Македония, Грузия, Финляндия, Исландия, Шимолий Ирландия, Исроил, Босния ва Герцеговина, Черногория ҳамда Молдова, Мальта, Андорра, Гибралтар, Лихтенштейн, Сан-Марино бешинчи саватчада.

Барча жамоалар 4 ёки 5 тадан 12 та гуруҳга бўлинган. Тўртта жамоадан иборат дастлабки олтита гуруҳ (A-F) саралаш турнирини 2025 йилнинг сентябрь ойида, бешта жамоадан иборат қолган олтита гуруҳ (G-L) эса 2025 йилнинг март ойида бошланади.

Гуруҳ ғолиби жаҳон чемпионатига тўғридан-тўғри йўлланмани қўлга киритади, иккинчи ўрин эса ўтиш ўйинида иштирок этади.

Саралаш даври 2025 йил 21 мартда бошланади ва ўша йилнинг 18 ноябрида тугайди. Ўтиш ўйини эса 2026 йилнинг 26-31 март кунлари бўлиб ўтади.

Жаҳон чемпионатининг финал босқичи 2026 йилнинг 11 июнидан 19 июлига қадар Атланта, Бостон, Даллас, Хьюстон, Канзас Сити, Лос-Анжелес, Майами, Нью-Йорк, Филадельфия, Сан-Франциско, Сиэтл, Канада, Торонто, Ванкувер ва Мексиканинг Гвадалахара, Мехико, Монтеррей шаҳарларида бўлиб ўтади. Баҳсларда илк бор 48 жамоа куч синашади.