Британиялик эр-хотин Эронда жосусликда айбланиб ҳибсга олинди
ASTANА. Кazinform – Январь ойида Эроннинг Кирмон вилоятида ҳибсга олинган Британия фуқаролари Крейг ва Линдси Форман жосусликда айбланмоқда. Бу ҳақда BBC хабар берди.
Маълумотларга кўра, эр-хотин мотоциклда дунё бўйлаб саёҳат қилиб, 30 декабрь куни Арманистондан Эронга ўтишган. Улар Эрон ҳукумати томонидан жосусликда айблангунча мамлакатда беш кун қолишни режалаштирган. Форманлар январь ойида Эроннинг Кирмон шаҳрида ҳибсга олинган, бироқ уларнинг ҳибсга олингани ҳақидаги хабар ўтган ҳафтада пайдо бўлган.
Мамлакат суд ҳокимияти вакили Асғар Жаҳонгирнинг сўзларига кўра, эр-хотин “бирга саёҳат қилаётган 52 ёшли эр-хотин” ниқоби остида Эронга кириб, мамлакатнинг кўплаб вилоятларида маълумот йиғишган.
Ҳибсга олинишидан олдин, психолог, докторлик даражасига эга Линдси Форман ижтимоий тармоқда Буюк Британиядан янги ҳаёт бошлаш учун кетаётганини ёзган эди.
- Бу одамлар тадқиқот ва саёҳат баҳонасида Ғарб разведка хизматларига алоқадор ташкилотлар билан алоқада бўлган. Улар разведка идоралари томонидан кузатилган ва кейинроқ режаланган операция доирасида қўлга олинган, — дейди Асғар Жаҳонгир.
Кирмон вилояти бош қозиси Ҳожат-ул-Ислом ал-Муслимин Ҳамидийнинг сўзларига кўра, эр-хотиннинг разведка билан боғлиқ бир қанча муассасалар билан алоқалари тасдиқланган ва қўшимча текширувлар давом этмоқда.
Эслатиб ўтамиз, аввалроқ Эрон расмийлари “Лиана” гуруҳининг Исфаҳондаги концертини мусиқачи аёл бўлгани учун бекор қилгани ҳақида хабар берган эдик.
