Бразилиянинг собиқ президенти Жаир Болсонару устидан суд жараёни бошланди

BRAZILIA. Кazinform - Пайшанба куни Бразилия Олий сайлов судида собиқ президент Жаир Болсонару устидан суд жараёни бошланди. У сайловлардаги сохталик ҳақида ёлғон маълумот тарқатишда айбланмоқда. Бунинг учун Болсонару қамоққа ташланмайди, балки сайловда қатнашиши тақиқланиши мумкин, дея хабар беради Кazinform BBCга таяниб.

Жаир Болсонару ёлғон маълумот тарқатиш учун президент ваколатини суиистеъмол қилганликда айбланмоқда.

Хусусан, ўтган йилнинг июль ойида бўлиб ўтган президентлик сайловлари олдидан у хорижий элчиларни йиғиб, уларга хакерлар Бразилияда қўлланилаётган электрон овоз бериш аппаратларини бузиб кириши, рақиблари эса сайлов натижаларини сохталаштириши мумкинлигини айтган эди.

Президентлик сайлови 2022 йил октябрь ойида бўлиб ўтди. Иккинчи турда Болсонару бразилиялик чап қанот сиёсатчи Луис Инасиу «Лула» да Силвага озгина овоз билан ютқазди.

Олий сайлов судидаги иш жиноий иш эмас ва Жаир Болсонару бунинг учун қамоққа ташланмайди. Бироқ суд ҳайъати 68 ёшли собиқ президентни 8 йилга сайловда қатнашишни тақиқлаш ҳуқуқига эга.

Болсонару, шунингдек, ҳали суд жараёни бошланмаган бир нечта жиноий ишлар бўйича тергов қилинмоқда.

Сайловлар ва тарафдорлари томонидан уюштирилган тартибсизликлардан кейин Болсонару АҚШнинг Флорида штатига учиб кетиб, ватанига қайтди.

У 2026 йилги сайловларда қатнашишини айтмади, фақат келаси йилги маҳаллий сайловларда ўзи фахрий раиси бўлган Либерал партияга ёрдамлашишга ваъда берди.

Прокурор партия Болсонарунинг 2022 йил 18 июль куни элчилар олдидаги нутқи сайлов қонунчилигини бузган деб ҳисоблайди. Собиқ президент хорижлик дипломатларга Бразилиянинг сайлов тизими қандай ишлашини тушунтириб берганини даъво қилмоқда.

Ўнг қанот популист Болсонару кўпинча Дональд Трамп билан таққосланади. Бразилия президенти ва унинг тарафдорларининг сайловда мағлуб бўлганидан кейин қилган ҳаракатлари АҚШда бир йил аввал содир бўлган воқеани эслатади.

30 октябрдаги иккинчи турда Лулага атиги 1,8% га ютқазган Болсонару мағлубиятни тан олишдан бош тортди, гарчи у ҳокимиятни топширишга тайёргарлик кўрган бўлса ҳам. Икки ой ўтгач, Лула инаугурацияси олдидан у АҚШга учиб кетди.

Эслатиб ўтамиз, Бразилиянинг собиқ президенти Жаир Болсонарунинг юзлаб тарафдорлари мамлакат Миллий Конгрессига бостириб кирганини ёзган эдик.

Улар Олий суд биноси ва президент саройига ҳам киришди. Ҳужум уч соат давом этган, шундан сўнг полиция унинг иштирокчиларини ҳибсга олган.