Бразилиянинг собиқ президенти ва БРИКС банкининг раҳбари Шанхайда касалхонага ётқизилди

ASTANA. Kazinform - БРИКС мамлакатлари томонидан яратилган Янги тараққиёт банки (ЯДБ) раҳбари, Бразилиянинг собиқ президенти Дилма Руссефф касаллиги туфайли Шанхайдаги касалхонага ётқизилди, дея хабар беради Kazinform агентлиги ТАССга таяниб.

Бу ҳақда бразилиялик депутат Жозе Гимарайнш хабар берди.

— Шифокорлар жиддий деб ҳисобламаган хасталик туфайли Шанхай касалхонасига ётқизилган (собиқ) президентимиз Дилма Руссеффга тезроқ соғайиб кетишини тилайман, — деб ёзди у Х ижтимоий тармоғида.

Folha de S. Paulo газетасининг ёзишича, Руссефф қусиш, бош айланиши ва қон босими кўтарилганидан шикояти бўйича касалхонага олиб кетилган.

Эслатиб ўтамиз, Бразилия 1 январдан БРИКСга раислик қила бошлаган эди. БРИКС саммити 6-7 июль кунлари Рио-де-Жанейрода бўлиб ўтади.

ТАСС ҳамкор агентлиги томонидан Кazinform учун махсус тақдим этилган.