Бокс: Қозоғистон ёшлар терма жамоаси халқаро турнирда 21 медални қўлга киритди

ASTANА. Кazinform — Бокс бўйича Қозоғистон ёшлар терма жамоаси Руминиянинг Браиле шаҳрида ўтказилган Dracula Open-2025 халқаро турнирида 21 медални қўлга киритиб, умумжамоа ҳисобида пешқадам бўлди.

Аниқроғи, ушбу турнирда 15 нафар қозоғистонлик боксчи финалга чиқди, улардан тўрт нафари чемпионлик унвонини қўлга киритди. Улардан 11 нафари кумуш, яна 6 нафари бронза медалларига эга бўлди.

Олтин медалларни Арман Мирсабит (46 кг), Дулат Азиз (57 кг), Тўреғали Сейдуллаев (70 кг) ва Адил Меделхан (80 кг) қўлга киритди.

Кумуш медалларга Алмас Жунисов (46 кг), Асилан Женисбаев (48 кг), Едиге Нурғожа (50 кг), Улас Алимжан (52 кг), Мадияр Абдикаримов (54 кг), Амар Рамазон (63 кг), Темирлан Ералиев (66 кг), Абилай Талғат (70 кг), Мансур Амантай (75 кг), Нурасил Айтекеев (80 кг), Еркетанг Жарқинбек (80+ кг) эга бўлди.

Кучли учликни Заманхан Амангелди (50 кг), Саят Қаратаев (60 кг), Дарин Тасмуханбетов (63 кг), Таннур Сейсенбай (75 кг), Бақдаулет Тажи (80 кг) ва Темирлан Найзабасов (80+ кг) якунлади.

Шу тариқа қозоғистонликлар умумжамоа ҳисобида биринчи ўринни эгаллади.

Бундан ташқари, Ўзбекистон ва Руминия учтадан олтин, Украина иккита, Греция битта олтин медални қўлга киритди.

Ушбу турнир 15-24 февраль кунлари Руминиянинг Браиле шаҳрида бўлиб ўтди. Унда 2009-2010 йилларда туғилган ўсмирлар иштирок этишди.

Эслатиб ўтамиз аввалроқ World Boxing расман AIMS таркибига киргани ҳақида хабар берган эдик.