БМТ: 2023 йил октябридан буён Ғазо секторида 28 мингдан ортиқ аёл ва қиз ҳалок бўлди
ASTANA. Kazinform – 2023 йил октябрида уруш бошланганидан буён Исроил кучларининг ҳужумлари натижасида Ғазо секторида 28 мингдан зиёд аёл ва қиз ҳалок бўлди. Бу ҳақда БМТнинг Инсонпарварлик масалаларини мувофиқлаштириш бошқармаси (OCHA) ҳузуридаги Reliefweb ахборот хизмати БМТнинг гендер тенглиги масалалари бўйича тузилмаси – “БМТ-Аёллар” маълумотларига таяниб хабар берди.
“БМТ-Аёллар”нинг баҳолашича, 2023 йил октябрида уруш бошланганидан бери ҳар соатда ўртача бир аёл ва бир қиз Исроил ҳужумлари оқибатида ҳалок бўлмоқда. Ҳалок бўлганлар орасида минглаб оналар ҳам бор”, – дейилади хабарда.
БМТнинг таъкидлашича, 2025 йил март ойида ўт очишни тўхтатиш режимининг амал қилиши тугагандан кейин Ғазодаги шароит янада ёмонлашган. Инсонпарварлик ёрдами етказиб бериш блокланиши вазиятни оғирлаштирган ва анклавдаги 1 миллиондан ортиқ аёл ва қиз фожеавий даражадаги очлик билан юзма-юз келмоқда.
Бунгача Исроил Ғазога гуманитар ёрдамнинг яна етказилишига рухсат бергани ҳақида хабар бердик.
