Билл Гейтс деярли бутун бойлигини хайрия ишларига сарфлайди

ASTANA. Kazinform – Маблағларни ўтказиш кейинги 20 йил ичида амалга оширилади, деб ёзади DW.

“Мен бутун бойлигимни Гейтс жамғармаси орқали бутун дунёдаги одамларнинг ҳаётини сақлаб қолиш ва яхшилаш учун хайрия қиламан. 2045 йил 31 декабрда эса фонд ўз эшикларини абадий ёпади”, – деб эълон қилди Microsoft асосчиси ўз веб-сайтида.

Гейтс жамғармаси 2000 йилда у ва унинг рафиқаси Мелинда Френч Гейтс томонидан яратилган. Вакциналар ва касалликларни ташхислаш воситаларини ишлаб чиқиш учун у аллақачон 100 миллиард доллардан ортиқ маблағ сарфлаган.

Айни пайтда миллиардернинг бойлиги 108 миллиард долларга баҳоланмоқда.