Барселонадаги турнирда қозоғистонлик 14 ёшли теннисчи ғолиб чиқди

ASTANA. Kazinform – 14 ёшли қозоғистонлик теннисчи Марям Нуржан Барселонада ўтказилган нуфузли Open Banc Sabadell U-14 Champion турнирида ғолиб чиқди.

Марям Нуржан финалда маҳаллий спортчини 6:4, 6:4 ҳисобида мағлуб этди.

Барселона мэри совринни ғолибга топширди ва қозоғистонлик теннисчининг ғалабага бўлган қатъиятини алоҳида таъкидлади.

Ушбу муваффақият натижасида Марям шу йилнинг апрель ойида Барселонада АТР 500 мусобақаси билан бир вақтда ўтказиладиган мусобақада яна 8 нафар кучли теннисчи билан биргаликда Қозоғистон шарафини ҳимоя қилади.

Марям Нуржан Tennis Europe рейтингида 14 ёшгача бўлганлар ўртасида 109-ўринни эгаллаб турибди. Ҳозиргача у Tennis Europe доирасида ўтказилган турнирларда бит марта яккалик ва икки марта жуфтлик баҳсларида ғолиб чиққан.

Қозоғистонлик теннисчи Барселонадаги Next Level Tennis Team академиясида шуғулланади.

Эслатиб ўтамиз, аввалроқ Юлия Путинцева жаҳон рейтингида ТОП-20 га киргани ҳақида ёзган эдик.