Азамат Даулетбеков эркин кураш бўйича Zagreb Open турнирининг финалига чиқди

Эркин кураш бўйича (86 кг) Қозоғистон терма жамоаси етакчиси Азамат Даулетбеков Хорватия пойтахти Загреб шаҳрида ўтказилаётган Zagreb Open рейтинг турнирида финалга чиқди, деб хабар беради Kazinform.

Қозоғистонлик полвон ўзининг илк жангида ҳиндистонлик Дипак Пунияни 6:2 ҳисобида мағлуб этди.

Унинг рақиби 2019 йилги жаҳон чемпионати кумуш медалини қўлга киритган тажрибали полвон эди.

Шундан сўнг Азамат украиналик Валентин Бабий ва грузиялик Евсем Швелидзени мағлуб этиб, финалга йўлланма олди.

Унинг навбатдаги рақиби - болгариялик Магомед Рамазанов. Финал учрашуви бугун, 11 январь куни бўлиб ўтади.

Азамат ўтган йили Сербия пойтахти Белградда ўтказилган жаҳон чемпионатида бронза медалини қўлга киритиб, Париж Олимпиадасига йўлланма олди.

Ирина Казюлина (65 кг), Елена Шалигина (68 кг) ва Эльмира Сиздиқова (76 кг) мамлакат номидан рейтинг баҳсларида иштирок этади.

Жорий йилнинг 6-9 июнь кунлари Венгрия пойтахти Будапешт шаҳрида яна бир рейтинг турнири ташкил этилади.

11-16 апрель кунлари Қирғизистон пойтахти Бишкек шаҳрида ҳар йили ўтказиладиган Осиё чемпионатида курашчилар рейтинг очколари учун баҳс олиб боради.

Муаллиф: Адилжан Умбет