Австрия қочқинлар оиласини бирлаштириш жараёнини вақтинча тўхтатди

ASTANА. Кazinform – Австриянинг уч партияли коалицияси қочқинлар оилаларини бирлаштириш жараёнини зудлик билан тўхтатишга қарор қилди. Ҳукумат ижтимоий тизим ҳаддан ташқари юкламага эга бўлгани ва қочқинлар оқимини ўзлаштира олмаётганини даъво қилмоқда, деб ёзади Euronews.

Ҳуқуқ ҳимоячилари фикрича, бу Европанинг бошпана қонунчилигини бузишдир.

Австрия канцлери Кристиан Стокер бу ҳаракатини ижтимоий хизматлар аҳоли сонининг ўсиши туфайли тўлиқ қувват билан ишлай олмаётгани билан изоҳлади.

— Вақтинчалик тўхтатиб туриш, айтганимдек, вақтинчалик чорадир. Бу сўнгги йилларда бизга келган одамларнинг жамият ва таълим тизимига интеграциялашувини таъминлаш, шунингдек, бизга келганлар ҳам, ҳозирда шу ерда яшаётганлар ҳам ушбу оқимни бошқариш имкониятини таъминлашга қаратилган. Австриянинг имкониятлари чекланган, — деди канцлер Кристиан Штокер.

Янги чорага кўра, “ҳимояланган мақомга эга” (бундай одамларни депортация қилиш мумкин эмас) қочқинлар, агар қариндошлари ҳали ҳам ўз ватанларида яшаётган бўлса, ўз оилаларини олиб келишга рухсат этилмайди. Янги тузилган Австрия ҳукумати миграцияни чеклашни энг муҳим вазифа деб эълон қилди ва бошпана бериш қоидаларини кучайтиришга ваъда берди.

Расмий маълумотларга кўра, ўтган йили оилаларни бирлаштириш дастури доирасида Австрияга 7762 киши келган. Бошпана изловчиларнинг аксарияти Сурия ва Афғонистондан.

Айни пайтда Австрия ички ишлар вазири Герхард Карнер февраль ойида оилани бирлаштириш учун бор-йўғи 60 та ариза келиб тушганини маълум қилди. Унинг айтишича, бунга Дамашқда ҳокимият алмашгани туфайли сурияликларнинг аксарият аризалари кўриб чиқилмагани сабаб бўлиши мумкин.

Эслатиб ўтамиз, аввалроқ Австрия канцлери истеъфога чиққани ҳақида хабар берган эдик.