Australian Open: Амир Омарханов ўсмирлар ўртасида қозоғистонликлардан биринчи бўлиб чорак финалга чиқди

ASTANА. КАZINFORM - Қозоғистонлик Амир Омарханов ўсмирлар ўртасидаги Австралия очиқ чемпионатининг чорак финалига чиқди.

Ўсмирлар ўртасидаги жаҳон рейтингида 27-ўринни эгаллаб турган Қарағанди теннис мактаби вакили қозоғистонликлардан биринчи бўлиб шундай натижага эришди.

Амир Омарханов учинчи босқичда жаҳон рейтингида ўзидан бир поғона юқори бўлган жанубий кореялик Чанжун Кимни мағлуб этди.

Биринчи сетда қозоғистонлик спортчи 6:3 ҳисобида устун келган бўлса, иккинчи сетда Ким ютди.

Бироқ ҳал қилувчи учинчи сетда Омарханов 19 дақиқа давомида рақибига ҳеч қандай имконият қолдирмади - 6:0.

Кескин беллашув бир ярим соатдан ортиқ давом этди.

Амир Омарханов ярим финалга чиқиш учун ўсмирлар ўртасида дунёнинг 25-ракеткаси нидерландиялик Мец Ротгеринг билан куч синашади.

Эслатиб ўтамиз, аввалроқ Асилжан Аристанбекова Австралия чемпионатида ўсмирлар ўртасида чорак финалга чиққани ҳақида хабар берган эдик.

Шунингдек, Денис Евсеев Бельгиядаги турнирнинг асосий босқичига йўлланма олди.

Ғайсағали Сейтақ