Астана ва Алмати кўчаларида энг кўп учрайдиган ТОП-10 та автомобиль номи
ASTANA. Kazinform – Sergek ITS мутахассислари Қозоғистоннинг икки йирик шаҳарлари – Астана ва Алматидаги транспорт ҳаракатини таҳлил қилиб, энг кўп рўйхатга олинадиган автомобиль маркалари ва моделларини аниқлади.
Мутахассислар бир неча даврлардаги маълумотларни таққослаб, йўлларда энг кўп учрайдиган транспорт воситаларининг ТОП-10 рўйхатини туздилар. Ушбу ҳисоботда маълум бир русумдаги автомобиль йўлнинг маълум бир қисмидан неча марта ўтганлиги ҳисобга олинган. Шуни таъкидлаш керакки, бу ноёб транспорт воситаларининг сони эмас, чунки битта транспорт воситаси бир неча марта ўтиши мумкин.
Астана
Тадқиқот 2025 йил 12-20 январь кунлари Турон шоҳ кўчасининг Марказий истироҳат боғи ёнидаги қисмида ва Тулпар кўприги Қўрғалжин шоссесига кирадиган нуқтада ўтказилди.
Бу вақт ичида пойтахтда энг кўп рўйхатга олинган автомобиль Toyota Camry бўлиб, тахминан 71 мингта ушбу турдаги автомобиль рўйхатга олинган. Иккинчи ўринда Chevrolet Cobalt — 36,6 минг марта, учинчи ўринда Hyundai Tucson (31,5 минг). Шунингдек, машҳур моделлар орасида Hyundai Elantra (24,3 минг), Hyundai Accent (22,5 минг), Toyota Land Cruiser Prado (22 минг) ва Хитой автомобиль ишлаб чиқарувчиларининг автомобиллари (19 минг) тез-тез учради.
Алмати
Тадқиқот 2025 йил 17 февралдан 7 апрелга қадар Ал-Фаробий шоҳ кўчасининг шарқий томонида — Esentai Mall савдо маркази рўпарасида ва унинг шарқида ўтказилди.
Алматида 67,3 минг марта ўтган Toyota Camry ҳам етакчилик қилиб келяпти. Кейинги ўринда Chevrolet Cobalt (63 минг). Кучли учликни Hyundai Tucson (38,1 минг) якунлаб берди. Тўртинчи ва бешинчи ўринларда Hyundai Elantra (30,8 минг) ва Hyundai Accent (тахминан 29 минг). Олтинчи ўринда Kia Rio (22 минг марта).
Таъкидлаш жоизки, бу маълумотлар Sergek ITS - интеллектуал транспорт тизими ёрдамида олинган. Тизим трафикни кузатиш, таҳлил этиш ва башорат қилиш орқали ақлли шаҳарлар учун самарали ечимларни тақдим этади.
