Астана шаҳрида Президент кубоги учун баҳслар якунланди
ASTANA. Kazinform – Астанадаги “Beeline arena” миллий теннис марказида Президент кубоги учун ITF World Tennis Tour турнири якунланди.
Эркаклар ўртасидаги М25 мусобақасида Президент кубогининг доимий иштирокчиси, ўзбекистонлик Ҳумоюн Султонов ғолиб бўлди.
Х.Султонов финалда америкалик Алафия Айенидан 6:2, 6:4 ҳисобида устун келди.
Ярим финалга қадар етиб борган қозоғистонлик 16 ёшли Амир Омархонов А.Айенига имкониятни бой берди.
Ўтган йилги мусобақада Ҳумоюн сўнгги баҳсда қозоғистонлик Денис Евсеевга имкониятни бой бериб қўйган эди.
Россиялик Татьяна Прозорова аёллар ўртасидаги W35 мусобақасида ғолиб чиқди. Ғолиблик учун баҳсда у ҳамюрти Александра Шубладзени 7:5, 6:7 (5:7), 6:1 ҳисобида мағлуб этди.
Россиялик Илья Семакин ва Егор Агафонов жуфтлик баҳсларда ғолиб чиқди. Улар ҳал қилувчи ўйинда қозоғистонлик Григорий Ломакин — грузиялик Зура Ткемеладзедан 6:2, 6:4 ҳисобида устун келди.
Аёллар ўртасида россиялик Анастасия Гасанова ва Екатерина Шалимова ғолиб бўлди. Ушбу дует икки соат давом этган баҳсда қозоғистонлик Жанель Рустемова — россиялик Виктория Дьяченкони 7:6 (7:4), 2:6, 10:7 ҳисобида мағлуб этди.
