Асел Қанай каратэ бўйича Премьер-лига турнирида кумуш медални қўлга киритди

ASTANА. Кazinform — Қозоғистонлик каратэчи Асел Қанай Қоҳирада бўлиб ўтган Премьер-лига турнирида муваффақиятли иштирок этди.

61 килограмм вазн тоифасида Асел Қанай финалга чиқди.

Финал баҳсида у Украина вакили Олександра Шолохова билан тўқнаш келди.

Дастлаб Асел 2:0, 4:2 ҳисобида олдинга чиқиб олди. Бироқ шундан сўнг украиналик спортчи ҳисобни ўз фойдасига ўзгартиришга муваффақ бўлди – 9:5.

Шу тариқа, Асел Қанай Премьер-лига баҳсларида иккинчи бор кумуш медални қўлга киритди. Илгари у Парижда иккинчи, Ханчжоуда учинчи ўринни эгаллаган эди.

Эслатиб ўтамиз, аввалроқ Мўлдир Жанбирбай Мисрдаги каратэ турнирида чемпион бўлгани ҳақида хабар берган эдик.