Артём Антропов - оғир атлетика бўйича Осиё чемпионати кумуш медали совриндори
ASTANA. Kazinform - Хитойнинг Цзяньшань шаҳрида оғир атлетика бўйича ўтказилган Осиё чемпионатида қозоғистонлик Артем Антропов (102 кг) кумуш медални қўлга киритди.
Ушбу вазн тоифасида (102 килограммгача) жаҳон чемпиони ушбу мусобақада фақат Париж Олимпиадаси совриндори Лю Хуаньхуага (Хитой) имкониятни бой берди. Антропов силтаб кўтаришда кумуш, даст кўтаришда эса бронза медалини қўлга киритди.
- 1. Лю Хуаньхуа (Хитой) - 410 кг (180+230)
- 2. Артём Антропов (Қозоғистон) - 386 кг (165+221)
- 3. Давранбек Хасанбаев (Туркманистон) - 377 кг (182+195).
Шунингдек, бугун, 14 май куни терма жамоа сафидан Ақерке Байманап (87 кг), 15 май куни эса Любовь Ковалчук (87 кг дан юқори) баҳсларга киришади.
Эслатиб ўтамиз, ҳозирча қозоғистонлик Пётр Хребтов (73 кг) бронза медални қўлга киритган эди.
Ўн кун давом этадиган қитъа миқёсидаги мусобақада 200 нафардан ортиқ спортчи ғолиблик учун куч синашади. Шулардан 112 нафари эркаклар, 89 нафари аёллар.
Эркаклар ўртасидаги қитъа чемпионатлари 1971 йилда бошланган бўлса, аёллар 1988 йилдан буён қитъа чемпионатларида иштирок этади.
1998-2024 йилларда қозоғистонлик оғир атлетикачилар жами 25 та медални қўлга киритган. Шулардан 29 таси олтин, 47 таси кумуш, 101 таси бронза медалидир.
