Алмати аэропорти ўзининг 7 миллионинчи йўловчисини қабул қилди

ALMATY. Кazinform – Алмати халқаро аэропорти бугун етти миллионинчи йўловчини кутиб олди, дея хабар беради Kazinform мухбири.

Аэропорт матбуот хизмати хабарига кўра, Ақнур Досмағамбетова Астана-Алмати йўналиши бўйича КC852 рейси билан етиб келган 7 миллионинчи йўловчи бўлди. Аэропорт вакиллари уни ВИП ҳудудида кутиб олишди ва Анталияга икки кишилик сертификат топширдилар.

«Бу йил биз учун рекорд йил бўлди. Алмати аэропортининг ўтказиш қобилиятини 14 миллион йўловчига етказиш мақсадида биз 2024 йил ёзида фойдаланишга топшириладиган янги халқаро йўловчи терминали қуришни бошладик», — дейилади хабарда.

Фото: Аэропорт матбуот хизмати

Муаллиф: Алма Муқанова