АҚШнинг US Steel заводида портлаш юз берди

ASTANA. Kazinform - CBS News хабарига кўра, Пенсильвания штатининг Клэртон шаҳридаги US Steel заводида юз берган портлаш оқибатида бир неча киши жабрланди, деб хабар беради ТАСС.

Фавқулодда хизматларга ҳодиса ҳақида маҳаллий вақт билан соат 11:00 да хабар қилинган.

Пенсильвания губернатори Жош Шапиро маъмурият шаҳар расмийлари билан яқин алоқада эканини айтди.

“Пенсильвания штати фавқулодда хизмати ва полиция фавқулодда хизматлар билан яқин алоқада ва уларга барча зарур ёрдамни кўрсатишга тайёр”, — деб ёзди губернатор Х ижтимоий тармоқда.