АҚШ Олий суди 350 000 венесуэлаликнинг депортация қилинишини маъқуллади

ASTANA. Kazinform — АҚШ Олий суди 348 202 венесуэлалик муҳожирни ҳимояланган мақомдан маҳрум қилиш бўйича ишда ҳукумат томонида бўлди. Аввалроқ Сан-Францисколик судья бу қарорга вето қўйганди, деб хабар беради Кazinform агентлиги DWга таяниб.

АҚШ Олий суди Трамп маъмуриятининг 350 мингга яқин венесуэлалик муҳожирларнинг ҳимоясини олиб ташлаш режасини маъқуллади. Тегишли ҳужжат 19 май, душанба куни суд сайтида эълон қилинди.

350 000 венесуэлаликнинг депортацияси

Қарор 2023 йилда (Temporary Protected Status, TPS) олган 348 202 венесуэлалик муҳожирга тааллуқлидир, деб хабар беради Reuters. АҚШ Ички хавфсизлик вазирлиги(ИХВ) аввалроқ уларнинг мақомини бекор қилишга қарор қилган эди, бироқ Сан-Францискодаги федерал судья унга вето қўйди. Энди Олий суд ҳокимият тарафини олди.

Аввалроқ ИХВ CHNV (Cuba, Haiti, Nicaragua, Venezuela) дастури бўйича АҚШда қолган Куба ва Гаити, Никарагуа ва Венесуэладан 500 мингдан ортиқ муҳожирни депортация қилиш режасини эълон қилган эди. У 2022 йил октябрь ойида Жо Байден маъмурияти томонидан ишга туширилган.

Эслатиб ўтамиз, аввалроқ Венесуэла муҳожирлар учун АҚШдан репатриация рейсларини тиклаётгани хабар қилинганди.

Эслатиб ўтамиз, федерал судя Трамп маъмуриятига беш венесуэлаликни депортация қилиш учун XVIII аср қонунидан фойдаланишга тўсқинлик қилган.

Аввалроқ Венесуэла мухолифати етакчиси ҳибсдан сўнг қўйиб юборилгани ҳақида хабар берган эдик.