АҚШ Халқаро жиноий суд Бош прокурорига қарши санкциялар жорий қилди

ASTANA. Kazinform - АҚШ Молия вазирлиги президент Дональд Трампнинг буйруғига биноан, Буюк Британия фуқароси, Халқаро жиноий суд Бош прокурори Карим Хонни санкциялар рўйхатига киритди. Бу ҳақда Kazinform агентлиги BBCга таяниб хабар беради.

Пайшанба куни АҚШ Молия вазирлигининг Хорижий активларни назорат қилиш бошқармаси (OFAC) Хонга нисбатан санкциялар жорий этилганини эълон қилди - унинг АҚШдаги активларини музлатиб, мамлакатга киришини тақиқлади.

Дональд Трамп 6 февраль куни Хонга ва потенциал равишда Халқаро жиноий суднинг бошқа ходимларига қарши санкциялар жорий этиш тўғрисида фармон чиқарди.

Трампнинг турткиси шундаки, Халқаро жиноий суд ўтган йили Исроил Бош вазири Биньямин Нетаньяху ва Исроил мудофаа вазири Иоав Галлантни ҳибсга олишга ордер берган.

2023 йилнинг март ойида Халқаро жиноий суд Хоннинг ташаббуси билан Россия президенти Владимир Путин ва Россия болалар ҳуқуқлари бўйича комиссари Мария Львова-Беловани украиналик болаларни ноқонуний равишда депортация қилишда айблаб, ҳибсга олиш учун ордер берган эди.

Эслатиб ўтамиз, аввалроқ АҚШ Халқаро жиноий судга қарши санкциялар жорий этиши ҳақида хабар берган эдик.