АҚШ «Crocus»даги терактни уюштирганликда гумон қилинган шахс ҳибсга олинганини эълон қилди

ASTANА. Кazinform – Муҳаммад Шарифулла “Ислом ташкилоти” (Қозоғистонда фаолияти тақиқланган ташкилот) таркибига кирувчи “Вилояти Хуросон” террорчилик гуруҳининг эҳтимолий аъзоси ҳисобланади, деб хабар беради BBC.

АҚШ Адлия вазирлиги уни бир қатор террорчилик ҳаракатларини уюштирганликда айбламоқда. Москва яқинидаги «Crocus City Hall»га қилинган ҳужум шулар жумласидандир.

Гумонланувчи «Crocus City Hall»га ҳужум қилган террорчиларга кўрсатма берганини тан олди. Аниқроғи, у теракт иштирокчиларига Калашников автоматидан қандай фойдаланишни кўрсатиб берди. Шарифулла қўлга олинган икки террорчини таниганини айтди.

АҚШ расмийларининг фикрича, Шарифулла 2021 йил август ойида худкушлик ҳужуми оқибатида ҳалок бўлган 13 нафар америкалик ҳарбийнинг ўлимига юқорида айтиб ўтилганлар қатори масъулдир.

Эслатиб ўтамиз, 22 март куни Москва шимоли-ғарбидаги «Crocus City Hall» концерт залида отишма содир бўлиб, камуфляж кийган одамлар ўт очган эди. Ҳодиса оқибатида 150 дан ортиқ одам жароҳатланган, 100 дан ортиқ киши ҳалок бўлган.