6 июль куни Астана шаҳрида дрон-шоу бўлиб ўтади

ASTANA. Kazinform - ЭКСПО ҳудудида 6 июль соат 18:00 да «Open Air» байрам концерти бўлиб ўтади. Маросимдан сўнг дрон намойиши режалаштирилган.

Дрон-шоунинг тахминий вақти - 22:15 (22:30). Дрон-шоу учун осмонга 1250 та радиобошқариладиган қурилмалар, жумладан, 70 та пиротехника дронлари учирилади. Бу - дрон симбиози ва пиротехниканинг янги технологияси. Шоу қозоғистонлик ва хорижий бастакорларнинг мусиқалари билан ҳамоҳанг тарзда намойиш этилади.
Таъкидлаш жоизки, мазкур тадбир ҳомийлик маблағлари ҳисобидан ташкил этиляпти. 

Эслатиб ўтамиз, аввалроқ Астана шаҳрида Қозоғистон маданияти ҳафталиги ўтказилаётгани ҳақида ёзган эдик.