237 киши ҳалок бўлди: Ғазо ҳаво ҳужумлари Трамп минтақага келиши билан кучайди
ASTANA. Kazinform – АҚШ президенти Дональд Трампнинг Яқин Шарққа сафари давомида Израил армияси Ғазо секторига оммавий ҳаво ҳужумларини амалга оширди. Бу ҳужумлар натижасида 237 фаластинлик ҳалок бўлди, деб ёзади Anadolu.
Трампнинг Саудия Арабистони, Қатар ва Бирлашган Араб Амирликларига қилган сафари бошланиши биланоқ, Израил Ғазога ҳаводан уюштирилаётган зарбалар шиддатини оширди. Сафарнинг учинчи куни, 15 майда амалга оширилган ҳужумлар натижасида 119 киши ҳалок бўлди.
Бу оммавий қурбонлар Трампнинг “Ғазодаги фаластинликлар яхшироқ келажакка муносиб” деган баёнотига қарамасдан содир этилди.
2023 йил 7 октябрдан буён Израилнинг Ғазо секторига уюштирган ҳужумлари оқибатида ҳалок бўлган фаластинликлар сони 53 010 нафарга етди, яраланганлар сони эса 119 998 нафарни ташкил этмоқда.
