2025 йилги «Оскар» мукофоти ғолиблари эълон қилинди

ASTANA. Kazinform – АҚШнинг Лос-Анжелес шаҳрида Америка киноакадемиясининг 97-«Оскар» мукофотларини топшириш маросими бўлиб ўтди.

Америкалик режиссёр Шон Бейкернинг «Анора» фильми «Энг яхши фильм» ва яна тўртта номинацияда «Оскар»ни қўлга киритди. Унда бош ролни ижро этган Майки Мэдисон энг яхши актриса деб топилди.

Бейкер, шунингдек, «Энг яхши режиссёр» ва «Энг яхши оригинал сценарий» йўналишларида ҳам ғолиб бўлди.

Фильмда бош ролни ижро этган Майки Мэдисон «Энг яхши актриса» номинациясига лойиқ кўрилди.

«Анора» фильми яна «Энг яхши монтаж» йўналишида ҳам ғолиб бўлди.

Бошқа номинациялар бўйича ғолиблар:

«Энг яхши актёр» — Эдриан Броуди («Бруталист» фильми);

«Энг яхши иккинчи даражали аёл роли» — Зои Салдана («Эмилия Перез»);

«Энг яхши иккинчи даражали эркак роли» — Киран Калкин («Ҳақиқий оғриқ»);

«Энг яхши анимацион фильм»: латвиялик режиссёр Гинтс Зильбалодиснинг «Оқим» анимацияси;

«Энг яхши қисқа метражли анимацион фильм»: эронлик режиссёрлар Ширин Соҳани ва Ҳусайн Молаемнинг «Сарв соясида» мультфильми;

«Энг яхши операторлик иши»: Бреди Корбетнинг «Бруталист» фильми;

«Энг яхши костюмлар дизайни» — «Ёвуз: Ғарб жодугари ҳақида эртак» мусиқий фильми;

«Энг яхши ҳужжатли фильм»: Базель Адра ва Ювал Абраҳам томонидан яратилган «Бошқа ер йўқ» фильми;

«Энг яхши қисқа метражли фильм»: голландиялик Виктория Уормердамнинг «Мен робот эмасман» фильми;

«Энг яхши халқаро фильм»: Вальтер Саллеснинг «Мен ҳали шу ердаман» фильми;

«Энг яхши грим ва соч турмаклари» — Корали Фаргеа режиссёрлигидаги «Субстанция» фильми;

«Энг яхши оригинал саундтрек»: «Бруталист» фильми учун Дэниел Блумберг томонидан ёзилган саундтрек;

«Фильмдаги энг яхши қўшиқ»: «Эмилия Перез»даги El Mal қўшиғи;

«Энг яхши овоз» — Дени Вильнёвнинг «Дюна 2» фильми;

«Энг яхши визуал эффектлар» — «Дюна 2»;

«Энг яхши мослаштирилган сценарий»: «Конклав», режиссёр Эдвард Бергер, муаллиф Питер Страуган.