100 кг штангани кўтарди: Астаналик ўқитувчи 54 ёшида жаҳон чемпиони бўлди

ASTANA. Kazinform - Астана шаҳридаги Райимбек ботир номидаги №50 мактаб-лицейи бошланғич синф ўқитувчиси Айгул Ержанова Мисрда пауэрлифтинг бўйича ўтказилган очиқ жаҳон чемпионатида иккита олтин медални қўлга киритди.

Миср пойтахтида ўтказилган очиқ чемпионатда Астаналик ўқитувчи штангани ердан кўтариш баҳсларида бемалол 100 килограммни забт этиб, рекорд ўрнатди. Ушбу мусобақада 23 давлатдан 2000 га яқин спортчи иштирок этди.

Фото: Астана қаласының Білім басқармасы

Айгул Ержанова ушбу спорт тури билан 52 ёшида профессионал тарзда шуғуллана бошлаган. Бунгача у қўл жанги ва енгил атлетика билан шуғулланган.

“Қозоғистон ушбу мусобақада илк бор иштирок этаётгани учун ташкилотчилар дастлаб мени хитойлик деб ўйлаганлар. Кейинроқ рекорд ўрнатганимда қозоғистонлик эканлигимни билиб, ҳурмат кўрсатди”, - дейди чемпион.

Эслатиб ўтамиз, пойтахтлик ўқитувчи ўтган йили “Қозоғистонда хизмат кўрсатган ўқитувчи” унвонини олган эди.

Мураббий унинг укаси - Айбар Ержанов. У оғир атлетика бўйича жаҳон чемпионати, Осиё ва Европа чемпионатларида ғолиб чиққан.