10 ойда Қозоғистонда қайта ишланган маҳсулотлар экспорти 23,3 миллиард АҚШ долларига етди

ASTANA. Kazinform - Жорий йил январь-октябрь ойларида Қозоғистондан 68,5 миллиард долларлик маҳсулот экспорт қилинди. Бу ҳақда бугун Ҳукумат йиғилишида Бош вазир ўринбосари - Миллий иқтисодиёт вазири Нурлан Байбазаров маълум қилди.

“Жорий йил январь-октябрь ойларида ташқи савдо айланмаси 116,9 миллиард долларни ташкил этди. Шундан экспорт 68,5 миллиард долларни, жумладан, қайта ишланган маҳсулотлар экспорти 23,3 миллиард долларни ташкил этди. Импорт эса 48,4 миллиард долларни ташкил этди. Савдо балансининг ижобий сальдоси 33,4 фоизга ўсиб, 20,1 миллиард долларни ташкил этди”, – деди Нурлан Байбазаров.

Унинг таъкидлашича, саноат ишлаб чиқаришда ижобий ўсиш суръати сақланиб қоляпти. Ишлаб чиқаришнинг ўсиш динамикаси 5,3 фоизгача тезлашди ва у 14 та ҳудудда қайд этилди. Энг юқори ўсиш суръати Қизилўрда, Манғистау, Туркистон, Қарағанди вилоятларида кузатиляпти.

“Саноат ишлаб чиқаришда ўсиш асосан металлургия ишлаб чиқаришининг 7,2 фоизга, машинасозликнинг 6,9 фоизга ўсиши ҳисобига таъминланди. Бундан ташқари, кимё саноати – 8,4, фармацевтика маҳсулотлари – 21, озиқ-овқат – 2,1, металл буюмлар – 29,5 ва мебель ишлаб чиқариш 12,8 фоизга ошди. Тоғ-кон саноатида ишлаб чиқариш 0,1 фоизгача секинлашди. Бу нефть қазиб олишнинг 2 фоизга, табиий газ қазиб олишнинг 0,3 фоизга камайиши билан боғлиқ. Шу билан бирга, металл рудаларини қазиб олиш 7,9 фоизга, кўмир қазиб олиш 1,9 фоизга ўсди”, - деди у.

Муаллиф: Марлан Жиембай