Мeta, Google ва Apple Қозоғистон бюджетига қанча солиқ тўлади

NUR-SULTAN. Kazinform - Жорий йил бошидан буён Қозоғистон ҳудудида интернет тармоғи орқали хизмат кўрсатувчи хорижий компаниялар бюджетга 6,1 миллиард тенге солиқ тўлади, дея хабар бермоқда Kazinform Давлат даромадлари қўмитаси сайтига таяниб.

Ваколатли орган маълумотларига кўра, ушбу секторда 37 та хорижий корхона рўйхатдан ўтган. Улар орасида «Apple», «Maps», «Google», «Ebay», «Amazon», «Facebook» ва «Netflix» каби йирик корпорациялар бор.

Қозоғистон бюджетига солиқнинг асосий қисми Ирландиянинг «Мeta Platforms Ireland Limited» (1,6 миллиард тенге) ва «Apple Distribution International Limited» (1,1 миллиард тенге), шунингдек, АҚШнинг «IHerb» (1,4 миллиард тенге) компанияларидан келиб тушди. Бундан ташқари, «Google» 243 миллион тенгедан ортиқ миқдорда солиқ тўлади.

Сингапурнинг «TikTok Pte.Ltd», Буюк Британиянинг «Audible Limited» каби компаниялари ва Россиянинг «Nexway» ва «AliExpress Russia Holding» компаниялари Қозоғистон бюджетига солиқ тўламаган.

Фото: sun9-11.userapi.com